Description
تفصیل
آڑو چین کا ایک معروف پھل ہے جو ایک خاص قسم کے درخت پر لگتا ہے جس کے پتّے مخروطی ہوتے ہیں اور آڑو اُن پتّوں کے درمیان لگتا ہے۔آڑو کے چھلکے پر نرم رُواں پایا جاتا ہے جو پھل پکنے کے ساتھ ساتھ کم ہوتا جاتا ہے۔
آڑو خوش ذائقہ اور رسیلے گودے والا ہوتا ہے۔
اس کے درخت کے پتّے سدا بہار نہیں ہوتے‘ کیوں کہ موسم بدلنے کے ساتھ یہ پتّے جھڑ جاتے ہیں۔ آڑو کا درخت 4-10 میٹرز تک بلند ہوتا ہے۔ جب کہ اس کا پھل زردی مائل سُنہرا، ہلکا سبز یا سُرخ ہوتا ہے۔ یہ ایک معطر پھل ہے۔
آڑو کا چھلکا انتہائی نرم ہوتا ہے اور ہلکی سی رگڑ سے ہی اُتر جاتا ہے۔
پکے ہوئے آڑو میں عُنّابی رنگ کی گہری لکیروں والی انتہائی خوب صورت گٹھلی ہوتی ہے جس کی جسامت تقریباً 1.3-2 سینٹی میٹرز تک ہوتی ہے۔
