Description
تفصیل
یہ صنفِ نظم بھی دراصل انگریزی صنفِ سخن کی ایک قسم ہے اور نظم معریٰ اور آزاد نظم کی طرح انگریزی سے ہی اردو میں آئی ہے۔ سانیٹ میں عموماً چودہ مصرعے ہوتے ہیں ان کی ترتیب یہ ہے کہ پہلا مصرعہ ایک ردیف و قافیہ میں ہوتا ہے۔ پھردو مصرعے دوسری ردیف اور قافیہ اور چوتھا مصرع پہلے مصرع کی ردیف اور قافیہ میں لکھا جاتا ہے۔ گویا یہ ایک بند ہو گیا۔ اس طرح تین بند لکھے جاتے ہیں۔ ان تین بندوں کے بعد آخر میں بطور ٹیپ کے دو مصرعے ہم ردیف و ہم قافیہ لائے جاتے ہیں اور نظم ختم کر دی جاتی ہے۔ سانیٹ کے لیے ضروری ہے کہ وہ کسی موضوع اور بحر کے تحت لکھی گئی ہو۔
