چار دن کی چاندنی ہے پھر اندھیرا پاکھ ہے
سچ تو یہ ہے، ہے یہ سارا حسن کا عالم غلط
(انشا)
|
اللہ رے ترا حسن کہ جس کو نظر آوے
پھر دیکھے پری کی بھی جو صورت تو ڈر آوے
(جرأت)
|
وہاں تھا رعب حسن آئنہ دار جلوہ خود بیں
یہاں سوچا کیا شب بھر میں تدبیریں جگانے کی
(عزیز)
|
وو آب و تاب حسن میں تیرے ہے اے ساجن
خورشید جس کوں دیکھ کے لرزاں ہے جیوں چراغ
(ولی)
|
ناجی ہے وہ اس نام کو لے گا جو دبن سے
یہ حسن میں دس حصہ زیادہ ہے حسن سے
(انیس)
|
نین پتلی لکھن ہارے سیاہی کاجل انکھیاں لے
اچھر تج حسن کے اس کوں سفیدی سو نین کاغذ
(قلی قطب شاہ)
|