جراثیم پر تحقیقی مطالعہ کرنے والے ’’محققِ جراثیم‘‘ (Bacteriolgist) کہلاتے ہیں۔ یہ مضمون خُرد حیاتیات کی ایک شاخ ہے جو جرثومے کی شناخت، اقسام اور اُن کی خوبیوں سے بحث کرتا ہے۔ محققینِ جراثیم مسلسل صنعتی، طبّی اور دوسری عملی کوششیں کرتے رہتے ہیں۔ یہ نہ صرف سائنسدانوں اور ڈاکٹروں کو تشخیص کرنے میں مدد فراہم کرتے ہیں بلکہ امراض کے علاج اور روک تھام کے طریقے بھی تجویز کرتے ہیں۔ عام طور پر یہ بات لوگوں کو معلوم نہیں ہے کہ تمام جراثیم بیماری پھیلانے کا باعث نہیں بنتے بلکہ اس کے برعکس کچھ جراثیم ایسے ہیں جو اینٹی بائیوٹکس پیدا کرتے ہیں اور یوں جراثیم کو ختم کرنے یا کمزور کرنے کی ایک تدبیر پیدا ہوجاتی ہے۔