یہ ایک جِلدی بیماری ہے۔ جِلد پر سفید چِھلکے تہہ در تہہ بنتے جاتے ہیں۔ چِھلکے شفاف ‘ چمکدار اور سفید رنگ کے ہوتے ہیں۔ ناخُنوں کے ذریعے زخم کھُرچنے پر نیچے سے کچّی جِلد نکل آتی ہے اور خون رسنے لگتا ہے۔ بیماری کی وجہ معلوم نہیں ہے۔ یہ بیماری کئی سال تک رہتی ہے کبھی ٹھیک ہوجاتی ہے کبھی دوبارہ ہوجاتی ہے۔ داد کی خارش بڑی مزے دار لگتی ہے یعنی داد یا چنبل کو کُجھا کر انسان کو بڑی تسکین ملتی ہے لیکن یہ خارش اتنی شدید ہوتی ہے کہ خون رِسنے لگتا ہے۔داد پُرانا ہوکر سیاہی مائل دھبوں میں بھی نمودار ہوجاتے ہیں۔ اُردو لُغت کے اعتبار سے یہ لفظ یعنی "داد" یا قوبا معروف لُغت " فرہنگِ جہانگیری" میں"گنج" کے نام سے فارسی زبان کا قرار پایا ہے۔ (بحوالہ: فرہنگِ آصفیہ،جِلد دوم،صفحہ: ٢١٩)