کینسر یا سرطان بیماریوں کی اس قسم میں سے ہے جس کی خصوصیت یہ ہے کہ ان میں خلیات کی نمو قابو سے باہر ہو جاتی ہے۔ کینسر کی100سے زائد اقسام پائی جاتی ہیں۔ یہ اپنے جیسے مزید خلیے پیدا کرتا چلا جاتا ہے اور صحت مند خلیوں کو ختم کرتا جاتا ہے اس طرح یہ پھیلتا چلا جاتا ہے۔ اس میں تباہ شدہ خلیے تقسیم ہو کر بے قابو ہو جاتے ہیں۔ اور ایک ڈھیر یا گوشت کے لوتھڑے کی صورت میں جمع ہو جاتے ہیں جو ٹیومر کہلاتا ہے اور ایسے ٹیومر کو ہی کینسر یا سرطان کہتے ہیں۔ رسولی کو اس وقت کینسر کہا جاتا ہے جب وہ اپنے نزدیکی خلیوں اور ٹیشوز پر اثر انداز ہونا شروع کر دے۔