کینسر یا سرطان بیماریوں کی وہ قسم ہے جس کی خصوصیت یہ ہے کہ ان میں خلیات کی نمو قابو سے باہر ہوجاتی ہے۔ کینسر کی 100 سے زائد اقسام پائی جاتی ہیں۔ ان میں سے ہر قسم میں خلیہ اپنی ابتدا میں ہی شدّت اختیار چکا ہوتا ہے اور اپنے جیسے مزید خلیے پیدا کرتا چلا جاتا اور صحت مند خلیوں کو ختم کرتا جاتا ہے۔ اس طرح یہ پھیلتا چلا جاتا ہے۔ کینسر جسم کو ایذا دینے والی بیماری ہے ۔اس میں تباہ شدہ خلیے تقسیم ہوکر بے قابو ہوجاتے ہیں اور ایک ڈھیر یا گوشت کے لوتھڑے کی صورت میں جمع ہوتے جاتے ہیں جو ٹیومر کہلاتا ہے اور ایسے ٹیومر کو ہی کینسر یا سرطان کہتے ہیں۔