ڈیپریشن انسانی طبیعیت یا مزاج کی وہ حالت ہے جس میں وہ کسی بھی سرگرمی کو پسند نہیں کرتا۔ ڈیپریشن کسی بھی فرد کے رویے‘ احساسات اور طبعی حالت پر اثر ڈالتا ہے جس کی علامات میں اُداسی‘ پریشانی‘ فکر‘ تشویش‘ خالی الذہن رہنا‘ ناامیدی‘ سُستی‘ کاہلی‘ احساسِ جُرم‘ چڑچڑاپن اور بے چینی شامل ہیں۔اس کے علاوہ مایوسی بڑھ کر مریض کو خودکشی کی طرف مائل کردیتی ہے یہاں تک کہ مریض خودکشی بھی کرلیتا ہے۔ بعض اوقات صرف موت کا ڈر بڑھ جاتا ہے اور وزن کم یا زیادہ ہوجاتا ہے۔