جناح بیراج دریائے سندھ پر کالاباغ سے56 کلومیٹر کے فاصلے پر پنجاب حکومت نے 1946ء میں تعمیر کیا۔ اس کی تعمیر 1941ء سے شروع ہوئی اور پاکستان بننے سے قبل ہی اس کے ذریعے نہ صرف نہری نظام کو تقویت ملی بلکہ بجلی کی پیداوار سے بھی استفادہ حاصل کیا گیا۔ اس کا اصل مقصد تھل کی بنجر زمین کو آباد کرنا تھا اور زرعی اراضی کو سیرابی کے بعد خوش نُما اور قابلِ زراعت بنانے میں پچھلے 70 سال سے اس بیراج نے بھرپور کردار ادا کیا ہے۔ اس مقصد کے لئے ایک ذخیرہ آب بھی بنایا گیا ہے جس میں 9,50,000 کیوسک پانی اسٹور کرنے کی گنجائش ہے۔