راولپنڈی سے تقریباً 35 کلومیٹر کے فاصلے پر دھمیال روڈ کے نزدیک تنازہ ڈیم کی تعمیر کا منصوبہ تیار کیا گیا۔ ڈیم تو ہنوز نہ بن سکا البتہ ایک بڑا ذخیرہ آب ضرور بنا لیا گیا جو جھیل کی شکل میں ایک بہترین تفریح گاہ کا کام سرانجام دے رہا ہے۔ اسلام آباد اور راولپنڈی کے علاوہ دیگر علاقوں کے شوقین افراد یہاں اکثر و بیشتر پِکنِک مناتے نظر آتے ہیں یا چند ماہی گیر اپنی کشتیوں میں میٹھے پانی کی مچھلیوں کا شکار کرتے ہیں۔