ایک خاص پودے کے بیج جو خوشبودار اور ہاضم ہوتے ہیں۔سونف کے پودے میں لمبی پھلیاں لگتی ہیں جن کو خُشک کر کے سونف کے بیج حاصل کیے جاتے ہیں۔ ہلکے سبزی مائل زرد رنگ کے بیج نہایت خوشبو دار ہوتے ہیں ۔کھانوں میں بھی استعمال کیے جاتے ہیں اور مختلف قسم کی ادویاء میں بھی اس کا استعمال کیا جاتا ہے۔ سونف کے ذریعہ بچوں کے لیے "گرائپ واٹر" یا "عرقِ بادیان" بھی تیار کیا جاتا ہے۔نومود یا شیر خوار بچوں کے پیٹ کے تمام امراض کے لیے اِکسِیر ہے۔ سُونف کے بغیر پلائو کی یخنی تیّار کرنا ناممکن ہے کیونکہ سونف ہی پلائو کی اصل لذت کو اُجاگر کرتی ہے۔اکثر کھانے کے بعد بھُنی ہوئی سونف اور باریک تراشا ہوا ناریل ،دھنیا گری کے ساتھ کھایا جاتا ہے جو ہاضم بھی ہے اور مُنہ کی بدبو بھی دور کرتا ہے۔