Description
تفصیل
بام مچھلی ہندی زبان میں "سانپ نما مچھلی" کو کہا جاتا ہے کیوں کہ لفظ "بام" ہندی زبان میں مستعمل ہے۔ انگریزی زبان میں اس مچھلی کو "Snake Fish"کہا جاتا ہے جس کا تعلق Anguilliformes کی نسل سے ہے۔ تقریباً تمام بام مچھلیاں شکاری ہوتی ہیں۔ بام مچھلی سانپ کی طرح لمبی ہوتی ہے۔ اس کی پیمائش 5 سینٹی میٹر (2 انچ) سے شروع کرکے 4 میٹر (13 فِٹ) کی لمبائی تک کی گئی ہے۔ اس لحاظ سے یہ ایک عظیم الجثہ مچھلی ہے۔ بام مچھلیوں کا وزن 30 گرام سے لے کر 25 کلو گرام تک یا زائد ہوتا ہے۔ اپنے دائرۂ حیات میں بام مچھلی کی ابتدائی شکل ایک شفاف لاروے جیسی ہوتی ہے۔بام مچھلی کا لاروا سمندر کی سطح پر تیرتا رہتا ہے۔ اس کی غذا سمندری برف اور وہ چھوٹے چھوٹے آبی ذرّات ہیں جو پانی کے بہاؤ کے ساتھ آتے ہیں۔لاروے کے اگلے مرحلے میں لاروا مچھلی کے چھوٹے سے بچّے میں تبدیل ہوجاتا ہے۔ بام مچھلی زیادہ تر سمندر کے گہرے پانیوں، تہوں کی ریت یا کیچڑ اور مونگے کی چٹانوں میں بِل بنا کر رہتی ہے۔گہرے سمندروں میں اندھیرے کی وجہ سے اور سورج کی روشنی نہ پہنچنے کی وجہ سے بام مچھلیاں انسانی آنکھ سے اوجھل رہتی ہیں اور اگر رات کے اندھیرے میں وہ ساحلِ سمندر پر آبھی جائیں تب بھی اندھیرے کی وجہ سے نظر نہیں آتیں۔
