Description
تفصیل
جونک ایک حلقہ دار کیڑا ہے جو Hirudinea کے ذیلی گروہ سے تعلق رکھتا ہے۔ جونک تازہ پانی، زمین اور سمندر میں بھی ہوتی ہے۔ یہ ایک طفیلی کیڑا ہے جو خون چوس کر زندہ رہتا ہے اور کسی جاندار جیسے مچھلی، مینڈک اور دودھ دینے والے جانوروں مثلاً بھینس، گائے وغیرہ کے جسم سے چپک کر خون چوستا ہے۔ طبی طور پر یورپ کے علاوہ چین میں یہ ہزاروں سال سے فاسد خون جسم سے نکالنے کے لئے استعمال کی جاتی رہی ہے۔ زیادہ تر جونکیں مُضِر ہوتی ہیں کیونکہ یہ جراثیم کی منتقلی کا باعث بنتی ہیں۔
جسم سے چپک جانے کے بعد اس کا ہٹایا جانا بہت مشکل ہوتا ہے اِلا یہ اُس پر نمک ڈالا جائے یا کسی گرم سیخ سے گوشت میں پیوست کرکے اُسے نکال لیا جائے۔
جس وقت جونک چپکتی ہے اُس وقت اس کی جسامت بہت کم ہوتی ہے مگر آہستہ آہستہ خون چُوس چُوس کر یہ فربہ اور لمبی ہوتی جاتی ہے۔
