Description
تفصیل
ایسی آندھی جو سمندروں میں اُٹھنے والے Cyclones کے نتیجے میں خُشکی پر طوفان مچاتے ہیں کالی آندھی کہلاتے ہیں۔ یہ سائیکلون یا بڑے پیمانے پر پیدا ہونے والے بگولے اپنے ساتھ تیز ہواؤں کے جکھڑ اور گہرے بادلوں اور گرج چمک کے ساتھ حملہ آور ہوتے ہیں اور جہاں جہاں سے گزرتے ہیں وہاں اندھیرا سا چھا جاتا ہے کیونکہ گَردوغبار کا انتہائی سخت طوفان بھی ان کے جلو میں ہوتا ہے۔ ان Tornedos کی زد میں جو شے بھی آتی ہے خس و خاشاک ہوکر رہ جاتی ہے۔ تیز ہوا کے جکھڑوں کے ساتھ موسلا دھار بارش، زندگی کو مفلوج کرکے رکھ دیتی ہے۔ بعض اوقات اس کا دورانیہ کئی کئی گھنٹوں پر محیط ہوتا ہے۔ بڑے بڑے درخت، سائن بورڈز، مکانوں کی چھتیں اور بلڈنگیں بھی اس کی زد میں آکر ڈھے جاتے ہیں۔ بعض اوقات ایسی آندھیاں اپنے ساتھ اولوں کی بارش بھی لے کر آتی ہیں۔
کنایتاً کالی آندھی، آفت اور مصیبت کو بھی کہتے ہیں۔ کرکٹ کی تاریخ میں ویسٹ انڈیز کی کرکٹ ٹیم کو بھی "کالی آندھی" کہا جاتا تھا۔
