یہ اکثر جوانی کے شروع میں لڑکے اور لڑکیوں کے چہرے پر نکلتے ہیں۔ ہارمون کی زیادتی اس کا ایک اہم سبب ہے۔ جِلد کا چکنا ہونا بھی ایک سبب ہے۔ یہ چھوٹے چھوٹے دانے ہوتے ہیں جن کے درمیان میں کالا نشان ہوتا ہے۔ دانے کو دبانے سے کالے نشان کے نیچے سے سفیدی مائل مادّہ کیل کی شکل میں باہر نکلتا ہے۔ بعض حالتوں میں بہت زیادہ مہاسے نکلتے ہیں۔ چہرہ مہاسوں سے بھر جاتا ہے جس سے چہرہ بدنما ہوجاتا ہے۔ ان مہاسوں میں ورم ہوکر درد ہونے لگتا ہے۔ کچھ عرصے کے بعد یہ خودبخود کم ہوکر ختم ہوجاتے ہیں۔