جب پاکستان معرضِ وجود میں آیا تو اس کے بانی محمد علی جناح نے پاکستان کے عوامی لباس کو متعارف کرایا جس میں ایک مخصوص قسم کی ٹوپی بھی شامل تھی۔ یہ مٹیالے رنگ کی بھیڑ کی کھال سے بنی ہوئی ٹوپی تھی جسے جناح کیپ کا نام دیا گیا۔ بعد میں اس قسم کی ٹوپیاں عام اون کے استر سے بھی بنائی جانے لگیں اور شرفاء کے بڑے طبقہ نے اس کو اپنایا۔ آج بھی اس ٹوپی کو پاکستانی لباس کا ایک حصہ قرار دیا جاتا ہے۔ پاکستان مسلم لیگ بھی اسے اپنی پہچان قرار دیتی ہے اور اکثر اسکاؤٹس بھی اس ٹوپی کا استعمال کرتے ہیں۔جناح کیپ کو پاکستان کی تاریخ میں قائد اعظم محمد علی جناح کے علاوہ پاکستان کے دوسرے صدر فیلڈ مارشل محمد ایّوب خان نے پہلی مرتبہ پہنا تھا۔