شیئر ٹیکسی کو ٹیکسیوں اور روایتی بسوں کے درمیان کی سواری کہا جاسکتا ہے۔ یہ ٹیکسیاں کرائے پر لی جاتی ہیں۔اکثر ٹیکسی ڈرائیور منہ مانگا کرایہ بھی وصول کرتے ہیں،منہ مانگے کرائے کا رواج آج کل پوری دُنیا میں ہے۔ عام طور پر یہ ٹیکسی مسافروں کومخصوص یا غیر مخصوص راستوں سے اُٹھاتی ہیں اور ان کا کوئی ٹائم ٹیبل بھی نہیں ہوتا۔ عام طور پر ان کی تمام سیٹیں پُر ہوتی ہیں۔ اکثر یہ ترقی یافتہ ممالک میں مختلف مقامی ناموں سے دستیاب ہوتی ہیں۔ شیئر ٹیکسی میں استعمال ہونے والی گاڑیوں میں ٹیکسی (جس میں چار سیٹیں ہوتی ہیں) سے لے کر کوسٹر تک شامل ہوتی ہیں۔ پاکستان میں شیئر ٹیکسی کی بہترین مثال " یلو کیب " یا "پیلی ٹیکسیاں " تھیں جو اب خال خال دیکھنے کو ملتی ہیں۔شیئر ٹیکسیوں کے کرائے ، بَس یا ویگن کے مُقابلے میں زیادہ ہوتے ہیں لیکن سَفر انتہائی آرام دہ ہوجاتا ہے۔