بوندا باندی بہت ہلکی بارش کو کہتے ہیں جس میں آسمان سے گرنے والے قطروں کا حجم بارش کے عام قطروں کے حجم سے بھی کم (0.5 ملی میٹر یا 0.02 قطر) ہوتا ہے۔ اپنے بہت ننھے ننھے قطروں کی وجہ سے اس کے زیادہ تر قطرے زمین پر پہنچنے سے پہلے ہی ہوا میں تحلیل ہوجاتے ہیں۔ بوندا باندی کا فوری اثر انسانوں پر معمولی ہوتا ہے لیکن اگر اس کے ساتھ اولے بھی ہوں تو اس کے نتائج خراب ہوسکتے ہیں اور اگر ان کی زیادتی ہو جائے تو راستے بند ہوسکتے ہیں اور عمارتوں کو بھی نقصان پہنچ سکتا ہے۔ دنیا کے سمندری علاقوں کے بڑے حصّے پر بالخصوص سرد علاقوں میں بوندا باندی عام طور پر ہوتی رہتی ہے۔ بوندا باندی کا واضح اور مرکزی اثر بادلوں کی ساخت اور ریڈیائی خصوصیات پر ہوتا ہے۔ ماحول میں انسانی حرکات و سکنات بُوندا باندی کو متاثر کرسکتی ہیں۔