مسریوٹ ڈیم راولپنڈی سے 12 کلومیٹر دور جنوب مغربی علاقہ میں تعمیر کیا گیا۔یہ ڈیم ایک چھوٹا سا ڈیم ہے جس کے ساتھ ایک مصنوعی جھیل بھی ہے ،جس میں کشتی رانی اور ماہی گیری( مچھلیاں پکڑنے) کا شوق پورا کیا جاتا ہے۔جھیل کے دونوں جانب سبزہ اور گھاس کے قطعات انتہائی خوبصورتی سے تراشے گئے ہیں اور چہل قدمی کے لیے پُختہ روشیں بھی بنائی گئی ہیں۔مسریوٹ ڈیم سیاہ پہاڑوں میں گِھرا ہوا ایک چھوٹا سا ڈیم ہے۔بُنیادی طور پر مسریوٹ ڈیم اور خان پُور ڈیم تفریح گاہیں کہی جاسکتی ہیں لیکن یہ چھوٹے ڈیم ایک مکمل"ڈیم" کے معیار پر پورا نہیں اُترتے۔