چکن رول کی طرح بیف یا مٹن رول بھی تیار کیے جاتے ہیں، فرق صرف اتنا ہے کہ چکن کو اُبال کراس کی ہڈیاں الگ کرنا پڑتی ہیں ،اس کے بعد گوشت کو بھی ریشہ ریشہ کیا جاتا ہے جبکہ بیف یا مَٹن کے گوشت کا قیمہ کروا لیا جاتا ہے اور پھر اسے نمک اور معمولی مسالے ڈال کر اُبال لیا جاتا ہے۔ دوسری اشیاء مثلاً ہرا پیاز، بند گوبھی،شملہ مرچ اور گاجر وغیرہ الگ سے باریک کاٹ کر یا موٹا موٹا کُوٹ کر ان تمام اشیاء کو آپس میں ملا لیا جاتا ہے۔ پھر "رول پٹیوں" میں سموچ(لپیٹ) کر اس کے رول بنا لیے جاتے ہیں اور حسبِ خواہش انہیں تَل کر ہری چٹنی یا ٹماٹو کیچپ کے ساتھ کھایا جاتا ہے۔