ایک درخت کا بدبودار گوندھ جو مختلف امراض میں کام آتا ہے۔ اکثر بچوں کو قبض یا اَپھارے کا مرض ہو جاتا ہے تو ہینگ کے پیسٹ سے بچّے کے پیٹ کی آہستہ آہستہ مالش کی جاتی ہے،جس سے اُسے آرام آجاتا ہے اور معدے میں جمع شُدہ گیسیں خارج ہو جاتی ہیں۔ "ہینگ ہَگنا" اُردو کا ایک محاورہ ہے جس کا مطلب پیچش کے مرض میں مُبتلا ہونا،انتہائی کمزور ہونا یا نہایت کمزور و ناتواں شخص کو کہا جاتا ہے۔ "ہینگ لگے نہ پھٹکری اور رنگ بھی چوکھا آئے!" مُراد بغیر مَحنت کیے سب کچھ مِل جائے۔