Description
تفصیل
عام کاٹن کی ایک چادر، جس کی لمبائی کم از کم 3 میٹر تک ہوتی ہے۔ اسے جوڑائی کی جانب سے ہاتھوں کے ذریعے چُنّٹیں ∕ تہیں بناکر سَر کے گِرد لپیٹا جاتا ہے۔ اس کا ایک لمبا سِرا سَر کے پچھلے حصّے سے پیٹھ تک لٹکایا جاتا ہے۔ صاحبِ حیثیت حضرات ∕ معزز افراد پگڑی بڑے اہتمام کے ساتھ باندھتے ہیں اور سَر کے بیچ میں ایک چھوٹی سی ٹوپی بھی استعمال کرتے ہیں۔ اس کے بعد کلف لگی چادر جو عموماً ململ یا کسی اور اچھے کپڑے کی بُنی ہوتی ہے استعمال کرتے ہیں۔ راجپوت گھرانوں میں دھوتی کے ساتھ پگڑی کا ہونا لازم و ملزوم ہے۔
پگڑی عزت کی نشانی بھی ہے۔ جَرِی افراد اپنی گردن کٹا دیتے ہیں لیکن پگڑی مخالف کے قدموں میں نہیں ڈالتے۔ گویا یہ مردانگی کی علامت ہے۔ پگڑی برِصغیر کے بے شمار علاقوں میں آج بھی باندھی جاتی ہے جن میں پنجاب، سندھ، راجستھان، یو۔پی وغیرہ کے دیہات شامل ہیں۔
مشائخ میں اس کا رواج عام ہے اس کے علاوہ سرپنج افراد اور کسی خاندان کے سربراہ کی حیثیت سے کسی کو تسلیم کرنے پر بھی اس کے سَر پر پگڑی باندھی جاتی ہے۔ یہ رواج آج بھی برِصغیر کی تہذیب کا ایک امتیازی نشان ہے۔
